Home IGIKONI
Category:

IGIKONI

KUBUNGABUNGA IBIROIGIKONI

Ese ni gute wategura ifunguro ryuzuye rya buri munsi?

by Ilinde Délice
written by Ilinde Délice

kimwe cya kabiri cy’ibiri ku isahani yawe bigomba kuba ari imboga n’imbuto  kuberako bikungahaye cyane ku mavitamine no ku myunyungugu kandi bikaba binatanga ingufu(calories) nkeya bikaba byagufasha kwirinda umubyibuho ukabije. Imboga kandi zikungahaye ku tugozigozi(fibers) dufasha umubiri mu igogora (digestion) bityo bikakurinda kugira impatwe (constipation) no kurwara kanseri y’agace k’urura runini (coloncancer)

Kugirango utegure ifunguro ryuzuye mbere na mbere ugomba kuba uzi iryo ariryo. Ifunguro
ryuzuye rigomba kuba rigizwe n’ ubwoko butatu bw’ibiryo. Hari ibitera imbaraga dusangamo
ibinyabijumba(ibirayi, ibijumba, amateke, imyumbati n’ibindi) n’ ibinyampeke (ibigori,
amasaka, ingano, umuceri n’ibindi) ibyubaka umubiri biboneka mu binyamisogwe (ubunyobwa,
amashaza, soya n’ibishyimbo) n’ ibikomoka ku matungo (amata, amagi, amafi, indagara
n’inyama) ndetse n’ibirinda indwara dukura mu mboga n’imbuto.

Gutegura ifunguro ryuzuye bisaba gahunda yukuntu uzajya uvanga ibiryo bitandukanye kuko
buri kimwe kiba gifite intungamubiri cyihariye cyangwa gifite nyinshi kurusha Ikindi. Ifunguro
ryuzuye ni iryo dusangamo intungamubiri zose umubiri ukeneye zihagije kandi zitarenze urugero
rw’ izo umubiri ukeneye. Kurenza urugero bitera umubyibuho ukabije n’ibindi bibazo
by’ubuzima.

Dufate urugero iyo uriye ibiryo birimo umunyu mwinshi(sodium) bigutera kugira
umuvuduko mwinshi w’ amaraso bikagutera indwara z’ umutima. Kurya ibiryo bidafite
intungamubiri zihagije nabyo bitera indwara zinyuranye ziterwa nimirire mibi harimo bwaki
ibyimbisha (kwashiorkor) cyangwa yumisha (marasmus), kugira amaraso make (anemia),
umwingo (goiter) n’ibindi. Ni byiza cyane guteganya ifunguro ryawe kugirango umenye niba
ifunguro ufata ryuzuye kandi rihagije.

Ifunguro ryuzuye rigomba kuba ryujuje ibi bikurikira:
1. Rihagije (adequacy)
Ibiryo urya bigomba kuba bihagije bivuze ko utagomba kwiyicisha inzara. Kandi binahagije mu
buryo bw’ intungamubiri zibirimo. Hari ingano (quantity) y’ intungamubiri umubiri uba ukeneye
kugirango ukore neza iyo ngano itabonetse umubiri ugira ibibazo bitanukanye. Urugero: iyo
umubiri ugize ubutare (iron) budahagije amaraso ntakorwa neza bigatera kugira amaraso
adahagije (anemia).

2. Rigereranyije (balance)
Ibyo umubiri winjiza bigomba kuba bingana neza nibyo umubiri ukeneye gukoresha. Iyo winjije
byinshi birenze ibyo ukeneye cyangwa ukinjiza bike bitera umubiri kwirwanaho muburyo
butandukanye butari bwiza.

3. Ritarimo ibiterambaraga byinshi cyane (kilocalorie control)
Iyo ufashe ibiterambaraga byinshi umubiri udakeneye gukoresha, umubiri ubibika mu bwoko
bw’ ibinure (fats) ahantu hatandukanye bitewe n’ igitsina (sex) cyawe. Ku bagabo ibinure
umubiri ububika kunda, ku bagore ibinure umubiri ubibika ku maboko no ku kibuno. Ubu ni
uburyo umubiri wirwanaho ukabika ibyo udakeneye gukoresha uko ukomeza urya byinshi rero
bigera aho ibiro bikiyongerabitera kwiyongera bigatera umubyibuho ukabije ufite igaruka
nyinshi kandi mbi ku buzima bwawe.

4. Ririmo intungamubiri zihagije (nutrient dense)
Ibiryo urya bigomba kuba bikungahaye ku ntungamubiri(nutrients) kurusha imbaraga (calories)
bitanga. Twamaze kubona haruguru ko ibiterambaraga birengeje urugero ari bibi ku buzima.
Guhitamo neza ni uguhitamo ibiryo birimo intungamubiri nyinshi kurusha imbaraga bitanga.
Urugero imboga n’ imbuto nibyo bitanga igufu (calories) nkeya ugereranyije nibindi. Imboga
nimbuto zikungahaye cyane kuri vitamine n’ imyunyungugu.

5. Riringaniye(moderation)
Ahangaha bivuze ko ugomba kwirinda kurya byinshi cyane kuberako hari intungamubiri
zihinduka uburozi (toxicity) iyo zibaye nyinshi.

6. Ririmo ibiryo byinshi bitandukanye (variety)
Ntago ukwiye guhora urya ibintu bimwe gusa niyo waba ibikunda sibyiza kubera ko indyo imwe
ntibonekamo intungamubiri zose umubiri ukenera. Kuvanga no guhinduranya ibiryo ni ngombwa
cyane kureko indyo imwe ntibonekamo intungamubiri zose umubiri ukeneye.

Ni ngombwa cyane kwirinda amavuta menshi n’ isukari nyinshi kubera ko bitera ingaruka
nyinshi ku buzima. Hari amavuta arimo cholesterol, iyi cholesterol iyo ibaye nyinshi yihoma ku
mitsi y’ amaraso ikaziba bityo kugirango amaraso akomeze gutembera umuvuduko w’ amaraso
ukiyongera. Kwiyongera k’ umuvuduko w’ amaraso itera guturika kw’ imitsi ndetse bikananiza
n’umutima bigateta kurwara umutima. Isukari nyinshi mumaraso itera indwara yitwa diyabete.

 

Mu gutegura iyi nyandiko hifashishijwe igitabo cyitwa “contemporary nutrition a functional
approach” hari icyo mudasobanukiwe mwabaza  urubuga www.nutrirwanda.com/Turye neza
tugire ubuzima bwiza kuko amagara aramirwa ntamerwa

0 comment
0 FacebookTwitterPinterestEmail
ABABYEYI BATWITEABABYEYI BONSAKUBUNGABUNGA IBIRODIYABETEIGIKONIIMFASHABEREIMIRIRE N'INDWARAINDWARA Z'UMUTIMAKUBUNGABUNGA IBIROKWITEGURA GUSAMA

IBINTU ICUMI BY’INGENZI WAMENYA KU MIRIRE

by Philemon kwizera, RN
written by Philemon kwizera, RN

BINTU ICUMI BY’INGENZI WAMENYA KU MIRIRE

Imirire n’igice cy’ingenzi mu buzima bw’igihumeka cyose, Imirire myiza igendana no gukura neza ku mwana, kubyara neza, kuba umubiri ubasha kwirwanaho,gutwita neza ndetse bigabanya kurwara indwara zitandura nka diabete,umutima ni bindi..

Abana bafite ubuzima bwiza biga neza, kandi abantu babona Imirire ihagije bakora neza, umusaruro ukiyongera bagahanga amahirwe atandukanye bigatuma ubukene bugabanyuka.

Imirire mibi muri buri ngeri,igaragaza ikibazo cy’umvikana uwo muntu abafite,muri kano kanya isi iriguhura nicyibazo cya (double burden of malnutrition) hakubiyemo kurya nabi cyangwa kuba umubiri utabasha kwakira intungamubiri nkuko bikwiye cyangwa ngo zikoreshwe (undernuttrtion) ndetse no gukura cyane (overweight) cyane cyane mu bihugu biri gutera imbere.

Umuryango wa bibubye ushinzwe ubuzima( WHO) ukaba ugerageza kugira inama ndetse no gufata imyanzuro yafasha ibihugu kurwanya byivuye inyuma ingeri zose z’imirire mibi n’ubuzima bwiza kuri bose.

IBINTU ICUMI WAMENYA NK’INGARUKA ZATEWE NI MIRIRE MIBI IBA YATANGIYE MU GIHE CY’UBWANA.

IMIRIRE MIBI IGIRA URUHARE MU BURWAYI NDETSE NIPFU Z’ABAGORE NABANA

Kurya nabi biterwa no kutabona vitamin nimyunyu ngugu ihagije,bifite uruhare rwa kimwe cya gatatu cy’ipfu zabana hamwe nubumuga buziraho ,ikindi gukura birengeje urugero(overweight) iganisha ku ndwara zidakira (chronic disease)nka diabete ni ndwara zu mutima.

 

IKINTU CY’INGENZI KIGARAGAZA IMIRIRE IDAKIRA NI UKUGWINGIRA(STUNTING)

Kugwingira ni gihe umwana ari mugufi cyane ugereranije ni myaka yabo nkuko tubikesha umuryango wabibubye ushinzwe ubuzima(WHO) bivuzeko miliyoni 155 za bana kwisi bafite icyibazo cyo kugwingira bivuye mu kigereranyo cyasohotse muri 2016

 

ABANGANA NA 1.5 MILIYONI BAPFA BURI MWAKA BAZIZE KUNANUKA GUKABIJE (WASTING)

Kunanuka(gushiraho) ndetse no kubyimba ibi byose ni ngeri yi mirire mibi, biterwa no kubura ibiryo mu gihe gitoya cyangwa bitewe nu burwayi,kuzamuka kwigiciro cy’ibiribwa kwisoko cyangwa ubushyambirane bwa baturage ahantu runaka ndetse ni biza ibi byose bituma umuryango utabasha kubona uko bikwiriye ibibatunga, bigatera kunanuka gukabije.

 

VITAMIN HAMWE NI MYUNYU NGUGU BIDAHAGIJE NIKIBAZO KWISI HOSE

Vitamin ndetse ni myunyu ngugu zi ngenzi bu biryo ni ngenzi mu kuzahura ubudahangarwa bw’ubumiri no gukura. Ubucye bwa Vitamin A, zinc,ubutare ndetse na iodine ni bihangayikije societe muri rusange.kwisi 33% bya bagore, na 42% bya bana bafite hagati ya mezi 6-59 bafite ikibazo cya maraso make ibi bigaterwa no kubura ubutare mu maraso. Vitamin A idahagije ifata 29% bya bana baba mu bihugu biri munzira ya majyambere, bikaganisha kubuhumyi ndetse ni pfu za hato na hato.

 

KUTABONA IBIRYO BIHAGIJE(KURYA NABI) BITERA INGARUKA MUGIHE CYO GUTWITA

Imirire mibi mu gihe utwite, biganisha kupfu zo mugihe cyo kubyara cyangwa ibindi bibazo bitandukanye , Imirire mibi yo mugihe cyo gutwita ni gihe cyu bwana biri mubitera 10% byi ndwara zikomeye kwisi hose.

 

KONSA NEZA BYARINDA IMFU 823000 MU BANA BARI MUNSI YI MWAKA ITANU

WHO itegeka ko umubyeyi agomba konsa umwana we amezi atandatu ntacyo amuvangiye, nyuma yaho akamuha indyo yuzuye kandi ntahagarare ku mwosa kugeza ku mwaka ibiri, kugaburira neza umwana bigabanya kugwingira, umubyibuho ukabije, kujijuka. Ikindi kandi birinda kanseri y’ibere niyinkondo y’umura.

 

IMIRIRE MYIZA NI PHUNDO KUNGIMBI MU KWIRINDA KUBURA AMARASO(ANAEMIA)

Ikibazo cy’imirire ku ngimbi kiba cyaratangiriye mu bwana mpaka no mubukuru, kurinda Imirire mibi kubana ba bakobwa byagabanya imfu za bana bavuka, nabapfa nyuma.
Abagore batwite bagira ikibazo cyo kubura amaraso ku kigero cya 40% kwisi.

 

ABANA BARI MUNSI Y’IMYAKA ITANU BAGERA KURI MILIYONI 41 BAFITE IKIBAZO CYO GUKURA BIDASANZWE

Gukura cyane hamwe nu mu byibuho ukabije kwisi ni kibazo gikomeye, kuko abantu babifte bagirwaho ingaruka no kurwara kurwara diabete, indwara zu mutima.

 

AMAKURU KU MIRIRE NI NGENZI KU KUMENYA AHAKENEWE INGUFU

WHO yasohoye ibipimo ngenderwaho byo gupima abana ngo hamenywe ikigero bahagazemo mu bihugu bitandukanye,

 

INGAMBA NO GUSHYIRA MU BIKORWA NI NZIRA NZIZA YO GUKIZA UBUZIMA

Ubumenyi rusange(science) burikwiyongera, ni bihamya cyangwa ibyemeza icyateza imbere Imirire byose birazwi. Abita ku buzima bose bashyira hamwe kugirango batange ubujyanama ku leta zi bihugu.

0 comment
0 FacebookTwitterPinterestEmail