Amazi ni ngenzi mu muzima bwa muntu aho buva bukagera aho yashyizwe mu ntungamubiri aho asanga izindi nk’ imyunyungugu,ibirinda indwara, ibyubakamubiri, ibiterambaraga. Kumara igihe nta mazi byica vuba kuruta kubura indi ntungamubiri,
Amazi afite igice kinini mu mubiri wacu aho akora bibiri bya gatatu (2/3) by’ibiro byu muntu, ariko ingano y’amazi mu mubiri atatundukana umuntu ku wundi kubera imyaka, igitsina ndetse n’umubare wuturemangingo afite.
AKAMARO K’AMAZI
Amazi agomba kunyombwa buri gihe, nubwo umubiri ushobora gukora ingano nto cyane, ntabwo ahagije kuba yakora imirimo itanu (5) ihatse iyindi tugiye kureba:
AMAZI AFASHA MUGUTWARA
Amazi akora akazi gahambaye kandi kingenzi mu mubiri, atwara intungamubiri ziva aho zinjiriye zijya mu turemangingo, atwara umwanda aho iba yasohowe n’uturemangingo (cells) ugasohorwa hanze,
Amazi atwara imisemburo ndetse na enzymes mu mubiri hose, sibyo gusa kuko amazi agize igice kinini cy’amaraso atwara insoro zitukura cyangwa z’umweru, burya n’umwuka tuba twahumetse utemberezwa na maraso.
AMAZI AFASHA KUBOBEREZA
Amazi iyo yihuje ni bindi bintu dusanga mu mubiri bikora amacandwe, amarira, acide yo mugifu,indudwe, amavangingo, amasohoro, ni bindi byinshi , bishobora gutuma aho amagufwa ahurira hahora ububobere bigatuma atangirika, abobereza urwungano ngongozi bigatuma ibiryo bigenda neza
Ikindi amacandwe akozwe n’amazi afasha kubobereza mu muhogo ibiryo bikamanuka neza, bitatubabaza.
AMAZI AFASHA KURINGANIZA
Amazi adufasha kuringaniza ubushyuhe by’umubiri uti bigenda gute :Amazi afite ubushobozi bwo gufata ubushyuhe bwaje mu mubiri wenda uri gukora siporo cyangwa uri ahantu hashyushye, akubusohora hanze mu bwoko bw’ibyuya.
AMAZI ATANGA ISHUSHO
Amazi afite uruhare runini mu gutanga ishusho runaka mu mubiri, amazi atanga ishusho y’akaremangingo nkuko afite 75%-85% by’ibiro byako, sibyo gusa kuko afasha no mugokora neza kw’ingingo zitandukanye cyane cyane impyiko.
IBYO UGOMBA KUMENYA
Umubiri wacu utakaza hafi amagarama 30 ku munsi ya mazi biciye :
- Mu gusohoka kw’ ibyuya
- Kwihagarika
- Kwituma
- Guhumeka
UKENEYE AMAZI ANGANA GUTE
Sibyiza ko wumva ufite inyota imwe yigikatu ngo ubone kunywa, kuko amazi agomba kunyombwa buri gihe.
Uko ugira inyota cyane ukiyima amazi niko biganisha ku kugira umwuma ugakizwa no kunywa amazi ahagije, gusa nanone kunywa amazi menshi cyane nabyo sibyiza ahubwo ukurikije uko bisabwa niho byiza kurushaho ukanywa ibirahure umunani (8) ku munsi.
Ikindi umuntu akenera amazi bitewe ni mpamvu zitandukanye:
- Uko ikirire kimeze gishyushye cyangwa gikonje
- Ikigero cy’akazi uri gukora
- Imyaka
- Igitsina
Kunywa ibirahure 8 by’amazi ku munsi bizagufasha kugarura amazi watakaje mu buryo twabonye haruguru .
Kunywa ibirahure 8 by’amazi ku munsi bizagufasha kwirinda kugira utubuye tuza mu mpyiko, kurwara kanseri y’urura n’uruhago
Ikindi waruziko umwuma watewe no kutanywa amazi ariwo ugutera kumva umunaniro utazi aho waturutse kandi ntacyo wakoze.
GUSA HARI INKURU NZIZA
Ushobora kumva ubangamiwe no kunywa amazi y’urubogobogo hari inkuru Nziza ko byagaragaye ko ushobora kugarura amazi wabuze biciye mu kunywa amata, imitobe, icyayi cy’ikawa cyangwa icyayi cyangwa mu biryo byoroshye uriye, umubiri ubasha gukuramo amazi ukeneye.
HARI NI NKURU MBI
Niba unyweye izo jus, amata , icyayi twibuke ko harimo isukali, amavuta, sodium, ni bindi ,ibyo byose bishobora ku kongerera ubushake bwo kurya cyane bigatuma wongera ibiro biganisha ku kurwara umubyibuho ukabije cyangwa indwara z’umutima.
- Gusa twibuke ko birahure 8 by’ amazi y’urubogobogo nta sukali, ibinure cyangwa sodium agira.
- Ibirahure 8 by’amata bifite 90 by’ingufu, ibinure, na sodium
- Ibirahure 8 by’umutobe wa orange bifite 110 by’ingufu, vitamin c, potassium na folate ariko nta binure.
